منتــدى المــلاك
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


أهلا بكم في منتديـــــأإت المــ،ــلاك
 
الرئيسيةالرئيسية  مكتبة الصورمكتبة الصور  التسجيلالتسجيل  الأعضاءالأعضاء  دخولدخول  

شاطر | 
 

 أناشــيد أيـام أولـ

اذهب الى الأسفل 
كاتب الموضوعرسالة
sweet floweer



انثى
عدد الرسائل : 120
تاريخ التسجيل : 02/06/2008

مُساهمةموضوع: أناشــيد أيـام أولـ   الأربعاء يونيو 04, 2008 6:02 pm

هذه احدى الأشياء القديمه


يقولوا إن واحد تاجر
عنده أربع حرا ير
لاجه ينشرحون الخاطر
كل وحده كاالحوريه
.................................

وحده بيضه مثل الذر
مثل القمر إذا أزهر
في ليلة ارباطعشر
وكالشمس المضيه
.................................

وحده حمره كالرمان
مثل الورد في البستان
تترك العاقل حيران
بأنوارها السحرية.................................


الحمرة تقول للبيضه:
لاترمطيني بنفسش
تدري المرض لامسش
ما تنفعي قطعيه
يازوعة الواوية
قومي انروح البساتين
تشوفي الورد واتعرفين
ياهو الحلو ويهو الزين
والحسن كله ليه
.................................
البيضة تفول للحمره :

لونش مثل لون الدم
لون الخمر المحرم
والحمره نار جهنم
نار الحمرة واويه
.................................
الحين ترد الصفرة واتقول :

لوني أنا احسن لون
لون الليرة ولون البون
لاعاين لي المغبون
يفترج همه بي.................................


الحمرة تقول للبيضه :

والله بياضش ما يفيد ش
لازم اتحني أيدش
وتحمرين أخدودش
يامأشفة الحد ريه
.................................
سمعت السوده القول
ظلت اتنادي لاحول
كل الحسن ليكم مول
وكل المذ مه بي
لوني انا احسن لون
لون الكحل بالعيون
والخال وسط الخدود
والحسن كله لي
سكتوا وحاكمنا يجينا
نفرض عليه حشينا
ونسأله ياهي الزينه
عنده وياهي المرضيه

.................................

ساعه ولن جاى للبيت
التاجر ملتف ببشيت
حفوه وقالو اجيت
يالله احكم هاالقضيه
ياهي اللي تحبها اكثر
وياهي اللي بيها تفخر
قلهم بعد مااتفكر
دوروا فكركم لي:
البيضه شمس بدري
والحمره منها عطري
والصفره تشرح صدري
والسوده عمبر لي
ولمن سمعوا كلامه
كلمن ضحكت قدامه

تمت وبالخير عمت00
.................................



سويره راحت البر تجيب عيش الاخضر
وتحطه في صواني صواني بيت خالي
وخالي خبق السوور وخبق دار منصور
وشان فيه مقدره خبق راس البقره
...............................

يا مطحنه حن والثانيه حن والثالثه حن
امي تناديني تبي تحنيني صيني على صيني
ياربي تهديني واحجِ ِ بيت الله وازور رسول الله
دجاجتنا يارقطه تبيض بيضتين
الاولى للحسن والثانيه للحسين
...............................

حمامه نودي نودي
سلمي على سيودي
سيودي راح المكه يجيب عيش العكه
ويحطه في صندوقي
صندوقي ماله مفتاح
والمفتاح عند النجار
والنجار يبي عروس
والعروس تبي اولاد
والاولاد يبوا حليب
والحليب عند البقر
والبقر يبون حشيش
والحشيش يبي مطر
والمطر من عند الله
ولا إله الا الله
محمد رسول الله
عليًا ولي الله
المهدي حجة الله
الزهراء عليها السلام بنت رسووول الله ..
...................................


الحين بكتب كم شغله
...
اللي يقولوا الى البراعم الصغار:baby:

..........

اني أحبج و أريدج
و العبدة تغسل ايدج
اني احبج و أني أهواج
وعسى روحي فداج
اني احبج و أشمج
و أمي جابت أمج
......................

هلا هلا هلا بيها
عسى الباري يخليها
هلا هلا هلا بيج
عسا الباري يخليج
.....................

هلا هلا هلو ها
و من الذهب ملوها
وسبعين حبشيه
تخدم في بيت ابوها


.......................


يا بنيه يا سمرة يا أم راس العكاريش
لا تحطي في بالج لا تفكريني أعنيج


اسئلوا جداتكم واجدادكم وجيبوا لنا أناشيد أول


انتظر ردودكم وتفاعلكم مع الموضوع

أطيبـ تحية
الرجوع الى أعلى الصفحة اذهب الى الأسفل
ريحانه
العند ليب
العند ليب


انثى
عدد الرسائل : 630
الموقع : ممـــلــكـــة الــــورد
العمل/الترفيه : البيت
المزاج : ونــــــــــاســـــــــــهـ
تاريخ التسجيل : 05/02/2008

مُساهمةموضوع: رد: أناشــيد أيـام أولـ   السبت يونيو 07, 2008 4:13 am

يسلمووووو غلاتي



أناشيد حلوة


ربي يعطيكِ ألف عافيه


دمتي بوود


ريحووون
الرجوع الى أعلى الصفحة اذهب الى الأسفل
 
أناشــيد أيـام أولـ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــدى المــلاك :: المنتدى العام :: مــلاك الــتراث-
انتقل الى: