لاعاد تحلم يجي رقمي بجوالك

"مليت جرحك وتبريرك وموالك

تخطى وترجع تعتذر الأجل ترضيني"

"إن كان جرح القلوب البيض يهنالك

يموت حبك ولا تنزف شراييني "

"يموت قلبي ضما وأموت أنا هالك

ولا اشرب الذل بيدينك وتسقيني"

"غرورك أعماك تحلم تبني آمالك

نهايتك جت بيدك قبل تنهيني"

"والله لاانت ولاعشره من امثالك

تخضع له النفس ويفكر يمشيني"

"اول معك كنت وافي واعشق ضلالك

ياما نصحتك ولكن ما سمعتني"

"اليوم ماهمني لوكنت في بالك

ماني بظالم ولكنك ظلمتني"

"في واقع الأمر ماني بااصغر عيالك

رباني الوقت لاتحلم تربيني"

"غلاك مات ابتعد وافراقك اشوالك

لاترتجي الدمع واحذر لاتعزيني"

"ماينزل الدمع لاامثالك ولشكالك

اصلا من تكون حتى تفقدك عيني"

"نهايتك ترجمة لك واقع افعالك

تعبت اوضح ولكن مافهمتني"

"لاعاد تحلم يجي رقمي بجوالك

والله مااخضع ولو ترقص شياطيني"

"ابي اتركك للندم وافكار عذالك

ماهمني عاذلك وانت خسرتني"

"خسرت نفسك ومضنونك وتمثالك

خسارتك للاسف ماعاد تعنيني"

"خلاص ابي ارتاح غادر والسعد فالك

لاترفع الصوت وتفكر تناديني"

من القلب الى القلب

مع تحياتي

غـــــــــــــروري أذلــــــــــــك فيــــــــــــه

بسم الله الرحمن الرحيم

عجيبه هالقصيده واااااااااااااااااايد عجبتني
كلماتها قويه وفيها كبرياء

تسلمين غـــــــــــــروري

مشكورة كبريائي

على المرور السريع

انتي اللي اروع حبيبتي

الله يعطيج الف عافيه

يسلمووووووووووا

من القلب الى القلب

مع تحياتي

غـــــــــــروري أذلـــــــــــك فيــــــــــــه

عدد الرسائل : 231 تاريخ التسجيل : 24/12/2007

الف شكر لكِ غاليتي على الطرح
دعواتي لكِ بالموفقية الدائمة
دمتِ متألقة بسماء منتدانا
ملاك حفظكِ الباري ورعاك
تقبلي مروري العبق
مع ارقى التحايا