الـــسلاام عليــكم
شخباركم حبايبـي
حبيت أنقل لكم القصيدة لانه أعجبتني
وأنشاء الله تعجبكم
والله لايفرق بينا وبين الحبايب
لاصرت بايعني أشوفك على خير
مع السلامه دام مابه سلامه
قلت أنتهينى قلتلك خير ياطير
ماأني أول شخص يخسر غرامه
محذرك من قبلها ألف تحذير
لعفتني بيعيف قلبي أهيامه
ماني بميت لا ولا أحتاج تبرير
صح الله السانك وفر كلامه
بسمعك حبكه وفكره وتصوير
وفهم عدل يمدعي بالفهامه
وجه الشعر أبيض ويحتاج تغيير
ودي تزين هالقصيده علامه
ماضيك الأسود بذكره دون تقصير
كذا يكون بخد هالشعر شامه
يصدق معي تعبير ويخون تعبير
ياضيعت الشاعر بوقت أنسجامه
يمكن خطا أدونك بشعر مير
لوماحترمتك للغرام أحترامه
ماكان حبك غير بس طعنتك غير
علمتني معنى الندم والندامه
ماجاك مني أي زله وتقصير
كل ماخطيت أعاتبك ببتسامه
حسبي على الذكرى أذا هبت أعصير
ماعد تنفع شرهتي والملامه
البال ضامي وقتها والحزن بير
خسرتك وهمي كسب أهتمامه
والليل فازعلك كذا جاني مغير
ظلمتني وأكثر ظلمني ظلامه
لقبل علي أوحيت صوت المسايير
وفزيت كل ضيفاً أقوم البمقامه
ولي عزم هالليل ضيقه وتفكير
قلي بربك كيف بقدر أنامه
مافيه داعي للعتب والمعاذير
الغدر خال الجرح وأطيب أعمامه
أما يجيب الله مطر تاليه وخير
ولا السلامه ماش مالي سلامه
من القلب الى القلب
مع تحياتي
غــــــــــروري أذلـــــــــــك فيــــــــــه
الرئيسية
أحدث الصور
الأربعاء ديسمبر 26, 2007 5:32 am