هههههههههههههههههه :
صاحب هذه الضحكه .. وسيع صدر .. حبوب .. طيوب .. بس مجامل بشكل كبير .. مسالم وعلى نياته .. دايم مبسوط وبارد ..
أسوأ شيء انه يضحك أحيانا في مواقف غلط !! .. يعني مواقف حزينه يجيك يضحك يصير ودك انك تصكه باللي معك ... غبي .. بس مليح .
ههههههههههههاي : أهم شيء ياي....
إنسان شايف نفسه متكبر .. ضحكه قليل يقال له ثقل .. متسلط ويحس بالنقص .. ثقيل دم ..
أحسن طريقه للتعامل مع هيك ناس .. هو القمع والتطنيش وعدم رفعه من أرضه .. عشان يعرف أن من تواضع لله رفعه .
هاهاهاهاهاهاها : بنفس الترتيب......
إنسان مرتب .. يعني إذا دخلت غرفته ما تلقى فيها عود طايح .. كل شيء منظم ومرتب حتى الضحكه ..
مثقف ويلبس نظارات 12 بوصه ((وش البوصه اصلا !!)) يعني نظارات اكبر من وجهه ..
ما يضحك كثير بس يبتسم أكثر .. شكله كذا يخليك ترتاح له وتشكي له ..
عادة تلقى عنده الحل .. لو ما لقيت الحل أهم شيء ترتاح .. و كمان هو كتوم .
نياهاهاها :
إنسان شرررير .. يمووووت في النذاله والشر .. قمة الوناسه عنده .
يرج علبة بيبسي ويعطي غيره يفكه له .. عيونه يطلع منها شرر .. مركب ضروس ذهب عشان إذا ضحك تلمع وتقهر ازود
أحسن طريقه للتعامل مع هالنوعيه هو العمل بالمثل "ابعد عن الشر وغني له" ..
لكن مهما حاولت تبتعد عنه هو بيجيك لأنه يموووت ويسوي فيك مقلب ..
لكن انتبه تعطيه فرصه يقهرك .. لأنه لو ما قهر احد يصدع راسه ..
الله يعين اللي حوله عليه .
هههاااهاهااهاهههااههه : بالحوسه ذي......
إنسان مضيع بمعنى الكلمه .. يعني لو تسأله عن اسمه قال ممكن الاتصال بصديق عشان الموضه يعني ..
إذا مضطر تدخل غرفته .. افتح الباب من بعيد عشان لا قدر الله ممكن يطيح على راسك شيء ...
العلك ما ينزل من فمه ويقعد يمدغ فيه بعد يعني يمسك طرف العلكه بسنه والطرف الثاني بيده وهات يا تمعيط
ويلوي فيه ويسوي حركات بهلوانيه إنسان لو تصفق فيه وتهزئه ما درا عنك يحسبك تتكلم عن ولد الجيران .. الدنيا ما قامت ولا قعدت عنده ..
الشيء الوحيد اللي يستفزة انك تتكلم على أمه أو أبوه .. يقولك بار بوالديه
وهو كيس الزباله يعفن عند الباب ما طلعه .
هه هه هه هه هه :
إنسان متردد .. يفكر 60 مره قبل لا يسوي شيء .. رومانسي .. يراعي مشاعر الآخرين ..
خدوم يحب يساعد حتى لو ما يقدر يدبرها ..
إن صادفك احد من هالنوع تمسك فيه بيدينك ورجولك لان النوعيه هاذي نادره
كعكعكعكعكعكعكع :
إنسان "دب" "فيل" يتراوح وزنه ما بين 100 -150 كيلو متر مربع لا عفواً تكعيب ..
استمد ضحكته من كثر الأكل .. كريم جداً لحد الإسراف خصوصاً إذا كانت السالفه فيها أكل ..
ما يطلع من البيت إلا وجيوبه مليانه .. علب بيبسي وفش فاش ((يا قدمي))
اللي يجلس معه بيزيد 5 كيلو/ ساعه
اماكنه المفضله : السوبر ماركت - المطاعم - أينما تواجد الأكل .. لكن في نفس الوقت نفسه عزيزه ..
اهم شيء اجلس بعيد عنه خوفاً على عظامك لا تخلخل لأن يصاحب هذه الضحكه حركه سريعه باليد ..
مع ذلك خفيف دم ووسيع صدر .. واصدقائه يحبونه .
يقولون فيه ضحكه جديده نازله السوق وهي .............
هعهعهعهعهعهعهعهعهع :
هاذي الصراحه ما بعد شملتها الدراسات ولكن اعتقد إنها ضحكة واحد متقرف ..
لكم مني أرق التحايا.........
كبريائـــــــــــــــي ذبح غيري
الرئيسية
أحدث الصور
الخميس ديسمبر 27, 2007 9:11 pm