فيني حــــــــــــــــزن ...

يـا بحر فيني من الحزن كثــر ما فيـك ..
من حزن وأوجاع وغيـــاب وغـــرايب !!

لا تلومني إليا شفتني دايم أجيــــــــــــك ..
ولا شفتني دايم على الشـــــــط ذايـــــــــب !!

حزني كبير أكبر من حدود شــاطيــك ..
وأقسى من جروح الزمان العطــــــــــــــايب !!

وإن كان تنشدني فـأنا مقـــــدر أخفيـك ..
دايم أظن ويطـــلع الظــــــــــن خـــايــب !!

في هـالزمن أقرب حبايبك يشقيـــك..
إليـــــــــن تدفع في غــــــــــــلاه الضــــرايب !!


من بعد هذا يبتعد عنك ويجفيـــــك..
ما كنــه بـجنبك قضــــى الوقت طـــايب !!

وإلا الخوي اللي توقعت يفـــــــــــديـك ..
يفديك عمــره لا غـــــدت بك نشـــــــــايـــب !!


صد وتصدد ما يبي يسمــع طاريــك ..
وياما أنت دونه أتعبتك الطــــــــلايــب !!

لا تقــول لي بــدري وتـــــوك ويمديك ..
وتعال وأسمع باقي الهرج صــــــــــــــايب !!


خلك بـحالك وأطلب الرب يهـــــــــديك ..
ولا تنشد اللي غاب ويــــن أنت غـــــــــايب !!


وأعرف تراني دايم إن ضقت بـآجيك ..
لأني أنا والمـــــــوج صــــــرنا حبايب !!

الف شكر لكِ غاليتي على الطرح
دعواتي لكِ بالموفقية الدائمة
دمتِ متألقة بسماء منتدانا
ملاك حفظكِ الباري ورعاك
تقبلي مروري العبق
مع ارقى التحايا