وصاتي لك من بعدي تموت فيها على شاني
ابيها تعيش وتحيا بك وأظل بالذاكره مفقود
وصاتي لك تنسيها ملامح وجهي وتنساني
وتعزف لها قصيده حب عكس اللي عزفته بعود
تراها مغرمه بالحيل ويشهد لي عدد الردود
وصاتي لك تسايرها ترا فيها من أحزاني
طلبتك لايضيق بالك طلبتك والطلب مردود
وصاتي لك تناديها عمري ..حياتي..وأزماني
أنا عودتها دايم أدلعها وأنا موجود
وصاتي لك تعاملها بطيبه قلب واحساني
تراها تذرف الدمعه ودمعتها بدون حدود
وصاتي لك تحفظها سور وآيات وقرآني
وتخبرها عن الميت رحل لا يمكن يعود
وصاتي لك ترسمها على قبري وأكفاني
ابيها لوحه تبقى على طول الزمن محدود
وصاتي لك تمازحها وتشوف الضحكه على اسناني
سعيتك ياضحكه الكون طلبتك لاتكون جلمود
وصاتي لك تقهويها من دلالي وفنجاني
تراها تعشق السمرا ويكفيها دخوون العود
وصاتي لك تركبها على خيلي وعلى احصاني
وربي فارسه من قلب شهاده ماهي شهادة شهود
وصاتي لك تسفرها بلاد الشام ولبناني
ترى يحلالها تقطف ورده من بلاد الورود
وصاتي لك ترقصها على ألحان رحباني
ترى فيها من عرق الخاله وفيها من جنون السود
وصاتي لك تحببها فأبو نوره من بعد هاني
وتنسيها ندم غلطه أنا فيها ترى مقصوود
وصاتي لك تكرهها في تاريخي وعنواني
ابيها تلعن اللحظه وتلعن كل فرح موعود
وصاتي لك تكلمها عن المجني وعن الجاني
وتخليني أنا الظالم وأنا من حرق الخدود
وصاتي لك تشبهي بدم أحمر قاني
وأنا هالقاتل السفاح مجرم من عصر نمرود
وصاتي لك تحلفها تتوب تحبني ثاني
ترا يكفيها ماعانت ويكفي حيلها مهدود
وصاتي لك تنسيها قصيده قالها لساني
أنا اخبرك رجل موقف وأنت قدها وقدود
صديقي مالقيت غيرك يعرف وشلوون تنساني
أمانه ضمها بقلبك ترى برحل ومابعود
من القلب الى القلب
مع تحياتي
غــــــــــــــروري أذلـــــــــــك فيــــــــــــه
الرئيسية
أحدث الصور
السبت فبراير 16, 2008 11:54 am
