قصة املي في في الحياه قصه(قطيفيه)

السلام عليكم


أملي في الحياه****

بطلة القصه أسمها(ساره)عمرها19بنت ولاكل البنات جميله وأحلا شي فيهاأخلاقها.في الصف الثالث ثانوي القسم الأدبي.

البدايه:
ساره واقفه تطالع نفسها في المرايه تكحل عيونها لأنها رايحه المدرسه(طبعآساره ماتتخلى عن الكحل في المدرسه لازم تكشخ).
ساره تكلم نفسها:ياربي شكلي بتأخرأف السايق ماجى للحين.
بعد 5دقائق جاها السواق راحت المدرسه.

أول ماوصلت المدرسه حطت
شنطتها فسخت عباتها ألاتسمع صوت وراها.
......:ليش أتأخرتي ياهبله.
ساره:هلاأموله متى جيتي وبعدين أني مو هبله السواق هو ألاتأخر على أني مادخلني.
أمل:أوكى أوكى يالله أنروح لحورو قبل لا اتصفر الطابور.

(أمل صديقه ساره الروح بلروح مايتخلو عن بعض أثنتينهم نفس الصفات بالأظافه لحوراء صديقتهم أمل جذابه تهتم بمضهرها و جمالها بس فيهابعض الغرور)

(حوراء جميله وحلوه بس أحلى مافيها عيونها رهيبه).

راحوا لحوراء ألي كانت في دوره المياه تكحل عيونها.
أمل تكلم حوراء:ويه ماصارت للحين ماخلصتي.
حوراء:ويش أسوي تبغي معجباتي أطيرو.
ساره:حلفي زهقتينا يالله بسرعه خلصي.
بعدها قعدو يسولفو شوي لين صفرت و كل وحده راحت فصلها.

_____نهايه الدوام_____

ساره لبست عباتها بتطلع ألا تناديهاحوراء معاها أمل:سارو لحظه تعالي.
ساره:هاه ويش تبغي ترى السايق ينتظرني.
حوراء:نسيتي أن اليوم الأربعاء بنطلع نتنزه ماقلتي وين تبغي أنروح.
ساره:خلاص أنروح الكرنيش لأن ماعندي فلوس اتكفي حق أروح مجمعات..باي

تركتهم راحت لسواق..اول ماوصلت البيت ارتاحت وصلت راحت تتغذى.

بعدالغدى ساره راحت الصاله لأمها باست راسها:ماما عادي أروح مع صديقاتي الكرنيش.(طبعآساره تتدلع على أمها علشان توافق).
أم ساره:وين ماتبغي تروحي روحي بس أسألي عمش سلمان أول.

ملحوظه >>أبوساره طلق أم ساره من 16سنه مع أنهم تزوجواعن حب بس لأن أمها أتزوجته غصب عن أخوانها..بعد ماطلقها أتزوجت واحد ثاني وجابت منه ولد سموه وليد عمره 12سنه أبوساره بعد ماطلق أمها سافر بعدين عرفوا أنه مات.
زوج أمها يشتغل في أرامكوا فامايكون في البيت دائمآ فلما تبغى تطلع لازم تاخذ أذن عمها سلمان لأنه عمها الوحيد مع أنه أكبر منها ب4سنين).

ساره راحت تتصل على سلمان.....
سلمان:يامرحبا.
ساره:هلا بعمي وحبيبي وخلف هلي وطوايفي كلهم.
سلمان:أوووه كل هلغزل حقي أكيد أنا مابانام اليله ضميري بيأنبني خليت بنت تغازلني وتغضب ربها.
ساره تتكلم بدلع:عمي لا تتمسخر أقول ممكن طلب صغير تكفى لاتردني عاد.
سلمان متملل:أنزين ويش تبغي مانا فاظي لش بعد شوي باروح الكورنيش و
ساره تقاطعه بنبرة صوتها العاليه:أحلف قول ولله أباروح وياك لأن صديقاتي رايحين يالله تعال لي ساعه أربع باااي.موتتأخر.
ولاعطته فرصه يتكلم و على طول راحت تبدل.

أماسلمان ماعرف ويش أسوي بس بعدين قرر أوديها لأنها كسرت بخاطره(ويه على قلبي حنون).

على الساعه أربع وربع رن جوالها....
ساره:هلا.
سلمان:يلا اطلعي من زمان أنا برى.
ساره:زين باي.
سلمان:باي.

ساره:ويلي شكله امعصب..كانت ماخذه معاها كيس أكل و حلويات حق القعده في الكرنيش تصير أحلى..أخذت منه شوكلاته سنكرس طلعت من الغرفه.
نزلت من الدرج بسرعه وطلعت.
راحت لسياره ركبت سكرت الباب:كيفك عمو؟؟..مدت له السنكرس..خذ ياأحلى عم.
سلمان:ادري اتحاولي اتراضيني لأنش اتأخرتي بس أخر مره تتأخري فاهمه.
ساره:انشاء لله.
سلمان شغل الأغاني و حرك السياره.

_________________

#في الكرنيش#

ساره:أفف ماني شايفه صديقاتي.
سلمان:يالله بسرعه الشباب ينتظروني وأنا ماأبمباهم أيشوفوش معاي.
ساره:ليش ماأشرفك يعني.
سلمان عصب:لا لأن مومغطيه وجهش ياحظي.
ساره:موبس أني ألا مو مغطيه وجهي وأني..........قبل لا تكمل كلامهاشافت حوراء وأمل جاين لها.
ساره:جوا يالله روح.
سلمان تركها راح لشباب.

(طبعآ أمل وحوراء مثل ساره مايتغطوا).

قعدو يسولفوا.......
ساره:عمي كان بيهزئني لأني اتأخرت.
أمل:أحسن عشان ماتتأخري.
ساره:ماأقدر عليه لما ايعصب ايصير مو هو.
حوراء:زي قيس أخوي كل ايعصب.
أمل:الله يعينكم.
حوراء:صحيح مادريتو بويش صار لندى بنت فلان الفلاني.
أمل وساره:ويش صار لها.
حوراء:لعب عليها واحد ونشر صورها في كل مكان.
أمل وساره في نفس الوقت:يادافع البلاء وحدها لابروحه لمسنا الصوف الشر عنا مصروف>>(مثل ينقال لدفع البلا والشر).
أمل:لوعتي جبدي باروح أشتري لي أيس كريم أعدل مزاجي .
ساره:أشتري لي بعد.
راحت أمل..ساره وحوراء كملوا سوالفهم.

راحت عند الي يبيع الأيس كريم تشتري.
كان سلمان واقف جنبها بيشتري بس تباعد شوي عنها(محترم)بعد ماخلصت ماعرفت تمشي لأن عباتها كانت تحت رجل سلمان.
أمل(أووه ويش هلبلشه ويش أسوي ألحين.)أخذت نفس:لوسمحت ممكن(أشرت على عباتها).
سلمان أستحى ماعرف ويش يقول شال رجله عن عباتها:اسف أختي ماأنتبهت.
أمل: ساكته
عود مكانه بس من دون مايدري رد داس على عباتها وهي ماأنتبهت لما مشت اتعرقلت طاحت على الأرض.
سلمان:اوه أسف ماكان قصدي.
أمل فقدت أعصابها أخذت بقايا الأيس كريم رمته عليه:صج أنك وقح ماتستحي على وجهك.
راحت على طول لساره وحوراء وهي تصيح.
أما سلمان كان بعده منصدم من الموقف والشباب جوا ايله بس هو عصب..
سلمان معصب:ويش هالبنات ايطولو اعبيهم ويلومونا..مسح ألايس كريم من قميصه أخذ جواله دق على ساره عشان بيرجع البيت..........


شو راح يسوي سلمان أذا عرف أن أمل هي صديقة ساره؟!
شو راح يصير بينهم؟

يتبع>>>>>>>>


اذا شفت حماس باكمل

نبغى حماس شوي


الجـــــــــــ الثاني ـــــــــــزء:

ساره:أموله حبيبتي ويش صار لش ويش فيها عاباتش متوصخه.
أمل اتصيح:أهئ أهئ أبغى أروح البيت..رجعت اتصيح.
حوراء:انزين قولي ويش صاير ؟؟
أمل: اتصيح
ساره سمعت جوالها يرن.......
ساره:ألوه.
سلمان يتكلم بصوت عالي لأنه حده معصب:سارو أنا عند السياره أن ماجيتي بسرعه باخليش وبمشي.
سد سلمان الخط قبل لايسمع ردها.
ساره مستغربه من سلمان لأن مايعصب عليها من دون سبب:أمل حوراء عمي بيوصلني تروحوا معاي.
حوراء اتباعد أمل ألي كانت حاضنتنها:هيه بنروح معاش لأن أمل ماتقدر تمشي و عباتهاجذي.
ساره:عجل يلا بسرعه ماأبغاه يعصب.
أخذو أغراضهم راحوا.

.........

في السياره سلمان كان ينظف نفسه:أف هاذي أتأخرت خلاص بنتظرها برى.
[سلمان شاب وسيم فيه كل الصفات ألا تتمناها أي بنت يعتني بشكله..خلص الجامعه ينتظرقبوله في الشغل]

اتذكرالموقف ألي صار له مع أمل ضحك على نفسه.
سلمان:هههههههه..سمع صوت فالتفت ورى.
ساره:هيه أنت أستخفيت قاعد تضحك لحالك.
سلمان..ماأنتبه لوجه أمل:صديقاتش بروحوا معانا.
ساره:هيه ألا صحيح ويش فيك امبهدل جذي شجاهل ماتعرف تاكل أس كريم ههههه.
أمل سمعت كلام ساره فرفع وجهها وانصمت لما شافت وجهه..من صدمتها طاحوا الأغراض الي عندها.
سلمان وجه نظراته لها اتفاجئ لما شافها لف على جهة ساره:ساره هذي صديقتش.؟؟
ساره مستغربه:هيه ليش تسأل ؟؟
سلمان:أنا مستحيل أوصل هذي..أشرعلى أمل.
أمل تتمسخر:لالا الله أخليك أبغاك اتوصلني لأني باموت أذا ماوصلتني.
سلمان:أصلآ يحصل لش الشرف أنا أوصلش.
(كان لابس قميص فاأفتعل حركه بيده خلت كلرقميصه يرتفع فزداد شخصيه وسامه).

ساره و حوراء كانوا مستغربين من الي يصير.

أمل أشتغل غرورها:تبغاني أني أمل بنت علي أل نبهان أركب مع واحد وقح زيك.(أشرت عليه بصبعها من فوق لتحت بطريقة أستهزاء).

سلمان فقد أعصابه ماحس بعمره ألا ماسك يدها يبغى يضربها بس ظل جامد ماتحرك لأنه حس بشي يجذبه لعيونها ظل ايطالع عيونها. أما أمل ماقدرت تباعد عينها عن عينه كانوا عيونه جنااااااااااان يهبلوا قلبها يدق دق مو طبيعي.

ساره:هايي عمي ويش هلقله الحياه إلي عندك الناس كلها أتطالعكم.

سلمان ترك يدها ركب السياره:دخلوا بسرعه الحين بيأذن.

أمل ظلت ساكته منزله عواينها لتحت مو عارفه ويش هالشعور الي جاها من شافت عيونه.
ساره بصوت واطي:أمل ويش صاير بينكم ؟؟
أمل:هو الي طيحني.
ساره:كيف ؟!
أمل:بعدين أقولش بس مابركب معاكم.
حوراء:ويش اتقولوا؟؟علموني شسالفه.
أمل:أقولش في الطريق يلا أمشي.
ساره:أمل أرجوش أركبي..امسحيها في وجهي.
أمل:ساره لاتظغطي علي.
ساره:ولله اركبي.
أمل:ليش حلفتي ؟؟
ساره:عشان تركبي.
أمل بتفكير:ولله لو ماحلفتي كان ماركبت.
ساره ابتسمت لها وركبوا السياره.

طول ماهم في الطريق وأمل ساكته اتطالع الطريق من الدريشه أما سلمان كان يسأل ساره عن بيت حوراء وأمل.

وصل حوراء أول لأن بيتهم أقرب بعدين وصل أمل.

أول مااتباعد عن بيت أمل.....
ساره:ويش ألا صار بينكم؟! سلمان ببرود:مو هي صديقتش أسأليها.
ساره:أكيد أباسألها بس أبغى أعرف السالفه من الطرفين.
سلمان:ساره ضايق خلقي.
ساره:بس أني أبغى أعرف.
سلمان فكر:خلاص بقولش..أنا رحت أشتري لي كانت هي تشتري بالغلط دست على عباتها فقالتلي اباعد ارجولي أنا باعدتها بس عودت مكاني والأخت عباتها طويله فدست عليها مره ثانيه اتعرقلت طاحت وأنا ماكنت قاصد بس هي افتكرتني قاصد فسبتني رمت علي الأس كريم.
ساره ماسكه بطنها:ياربي ماني قادره هههه بطني هههه.
سلمان عصب:ساره الموقف ما ايظحك.
ساره:هههه أتخيل كيف كان وجه أملوا أكيد صار طماطه الناس كلها اطالعها ههه وله أكيد شكلك بلأس كريم يهبل هههه.

سلمان ظل ساكت تذكر كيف كان وجه أمل وأنه حس بشعور غريب لما ناظر عيونها.

_________________

#في غرفة أمل#

أمل منسدحه على سريرها تفكر في أحداث اليوم تذكرت لما رمت على سلمان أس كريم و بدأت تبتسم و تظحك..ياربي كيف سويت جذي ولله كنت امعصبه..أخاف أكون ظلمته وهو ماكان يقصد..أتذكرت كيف كانت عيونه لما مسكها:أأأه ياربي عيونه أيهبلوا لا مو بس يهبلوا الا أيخلوا الوحده تهوس.
أف بس لو مهو وقح وقليل أدب شان سكتت شوي و قالت بصوت مسموع:صدق أني غبيه قاعده أتعب فكري في واحد مايستاهل.

طفت المبات حاولت اتنام بس لقت نفسها مو قادره تنام من التفكير في الي صار..بدت تقرى ايات عشان تنام ونامت.

_________________

#بيت ساره#

ساره كانت في الصاله تشاهد مسلسل" دنيا القوي"و مندجه عدل.

رن تلفون البيت بس مارفعته وبعد ثواني جى أخوها وليد رد على التلفون.....

وليد:ألو.
.......:ألو السلام عليكم ..موجوده ساره..
وليد:هيه بس لحضه..لف على ساره..ساروا تلفون لش.
ساره متملله:أف منهي ذي الفاظيه داقه ألحين.
وليد ماسك السماعه:أتقول لش مهي فاظيه لش ألحين دقي بعد
ساره قامت أبسرعه لعند التلفون اخذت السماعه من عند وليد:وليدوا أني ماقلت لك قول جذي..أدلف روح ألعب كمبيوتر...غبي ...لف السماعه لأدونها:ألوو.
........:ياسباله ويش يعني منتين فاظية لي.
ساره تحاول تتهرب من الأجابه:هلا بحوراء عمري حبي كل دنيتي.
حوراء:ياااااي كل هلغزل حقي...خجلتيني.
ساره بخبث: أذا ماغازلتش باغازل منو.
حوراء:بعد من بيكون...أكيد زوج المستقبل.
ساره: خله أيجي أول بعدين أغازله...ألا ماقلتي لي ويش صاير متصله؟!
حوراء:شأني ماأتصل علشان تسألي...بس بسألش سألتي عمش ويش صار بينه وبين أملوا...لأني أتصلت لها قالوا نايمه...غريبه مو من عوايدها تنام هلحزه.
ساره: و أني أقول.. مو لله متصله..اسمعي قال لي أنه.....
(قالت لها السالفه كلها).

ساره:أوكي حوحو باروح أتعشى الحين.
حوراء:أنزين...صحيح بتروحي بكره الكوافير عشان عرس فاطمه>>وحده من الأصدقاء.
ساره:هيه باروح...حوروه يالله باي أني مستعجله.
حوراء:باي.

_________________

اليوم التالي

ساره كلمت عمها عشان يوديها الكوافير وراحت معاه..حوراء خلت أخوها قيس يوديها مع أمل لأن أمل ماعندها أخو وأبوها يكون مشغول.

اجتمعوا في الكوافير ولما خلصوا مكياج قعدوا يسلفوا.كانوا ثلاثهم حلوين بس حوراء كانت أحلى خصوصي أن عيونها رهيبه
كانوا مطقمين في البس بس الألوان تختلف..أمل أحمر...حوراء وردي...ساره بنفسجي..

أمل:أف متى بجي أخوش... مليت.
حوراء:ماأدري بس مو الحين.
أمل:باقوم أشرب ماي.راحت.
ساره وقفت:يالله باروح جى عمي.. حوحو ليش ماتجوا معي.
حوراء ناظرت ساره بخبث شدها قعدتها جنبها:تدري أنش ذكيه وااجد.
ساره مو فاهمه:ويش قصدش.
حوراء بخبث:قربي باقول لش...قالت لها الفكره ألي براسها..

أمل تمشي بتجاهم:كلمتي أخوش؟!
حوراء غمزت لساره:هيه كلمته بس قال أنه مايقدر أيجي..ساروه أتقول أن عمها برى...أني باروح معاها..
أمل بصوت عالي:ماأقدر أروح معاه.
ساره تسوي نفسها معصبه: لاولله...مصختيها عمي ماكان يقصد..غطت وجها:يالله بسرعه تعالوا...حورو روحي ألى ألي تحاسب قالت أن في حسابش غلط..لاتتأخري أحنا بننتظرش.مسكت يد أمل ومشت.
أمل:لحظه صبري بغطي وجهي.
ساره:يلا بسرعه.
أمل غطت وجهها طلعوا مع بعض راحوا عند السياره.

ساره تفتح باب السياره:السلام عليكم.
سلمان لف لها:وعليكم السلام..أوه أوه ساره مغطيه وجها ويش صاير في الدنيا.
طبعآ سلمان ماأنتبه لأمل لأنها دخلت السياره من دون ماتقول ولا حرف وهو كان حاط أغاني فما أنتبه.
ساره تمزح:يعني ويش تبغاني أسوي...حاطه لي مكياج أخاف الرجال لين شافوني يغمى عليهم من جمالي الفواح.
سلمان مبتسم:أوكي خليني أكحل عيوني أبشوفتش.
أمل كانت اطالعهم بس ساكته.
ساره متعمده أتخلي سلمان يحس بوجود أمل:عمي لاتحرجني قدام صديقتي.
سلمان لف لورى شاف أمل عرفها من عباتها لف صوب ساره:تدري صديقتش بنت أصول..دخلت من دون ماتسلم خايفه أسمع صوتها الشفاف<<قالها بطريقة مسخره.

أمل ماردت عليه(أف هذا مايستحي على وجهه صدق أنه وقح)

ساره استغلت فرصة أن أمل تفكر:أوه نسيت..باروح شوي لحوروا باجاي.نزلت من السياره بسرعه.

أمل توها تستوعب أن ساره نزلت:االليش نزلت.
سلمان:هاه أشوف صوتش طلع...كمل كلامه بشمئزاز.. لاتخافي ماباكلش.

أمل كانت بتتكلم بس جتها عطسه عطست تمت تحوس في شنطتها تدور نشاف.
سلمان أنتبه لها فأخذ علبة النشاف مدها لها..
أمل مسكت العلبه بس صارت أطراف أصابعها فوق أصابعه حست برعشه بجسمها أخذت العلبه بسرعه.
أما سلمان دق قلبه بسرعه جنونيه..تموا ساكتين.

حوراء وساره اتعمدوا يتأخروا عشان يحرجوا أمل..بعد ربع ساعه من التأخير طلعوا من الكوافير ركبوا السياره.

وتموا طول الطريق ساكتين حوراء و ساره كانو متحقرصين يغبوا يعرفوا ويش صار.

وصل سلمان عند بيت حوراء نزلت حوراء وأول مادخلت البيت على طول رسلت لأمل رساله كاتبه فيها:
"أسفه أموله أني وساروا أتأخرنا قصد علشان نحرجش مع سلمان بس سامحينا"

أمل لما قرت الرساله عصبت عدل ورسلت لها رساله.
"صدق أنش حماره ياربي أيصير لش موقف أعظم مني"

حوراء قرت الرساله ظحك تركت جوالها ونزلت تحت أدور أخوها قيس.
(قيس عمره24سنه شاب وسيم موظف في أحدى الشركات الكبرى يحب شي أسمه كمبيوتر).
ماشافته راحت المجلس شافته قاعد على الكنبه بس هي كانت وراه.

حوراء اتقدم عشان تصير قدامه:قيسوه ويش رايك فيي أكيد

ماكملت كلامها لأنها أنصدمت من ألي شافته لأن الشاب ألي شافته مو أخوها قيس....



شوراح يصير لحوراء؟؟؟
مين الشاب ألي في المجلس؟؟
هل بتطور علاقة أمل مع سلمان؟؟